آرٹیکلز تازہ ترین دلچسپ

شعبان کی دوسری جمعرات آگئی ایک سانس میں اللہ کے 2نام پڑھیں

معلوم ہونا چاہئے کہ شعبان وہ عظیم مہینہ جو حضرت رسول ﷺسے منسوب ہے حضور اس مہینے میں روزے رکھتے اور اس مہینے کے روزوں کو ماہ رمضان کے روزوں سے متصل فرماتے تھے ۔ اس بارے میں آنحضرت کا فرمان ہے کہ شعبان میرا مہینہ ہے اور جو شخص اس مہینہ میں ایک روزہ رکھے تو جنت اس کیلئے واجب ہو جاتی ہے۔

امام جعفر صادق ؑفرماتے ہیں کہ جب شعبان کا چاند نمودار ہوتا تو امام زین العابدینؑ تمام اصحاب کو جمع کرتے اور فرماتے : اے میرے اصحاب ! جانتے ہو کہ یہ کونسا مہینہ ہے ؟ یہ شعبان کا مہینہ ہے اور رسول الله ﷺفرمایا کرتے تھے کہ یہ شعبان میرا مہینہ ہے۔ پس اپنے نبی کی محبت اور خدا کی قربت کیلئے اس مہینے میں روزے رکھو ۔ اس خدا کی قسم کہ جس کے قبضہ قدرت میں علی ابن الحسینؑ کی جان ہے میں نے اپنے پدر بزرگوار حسین ابن علی ؑسے سنا

وہ فرماتے تھے میں نے اپنے والد گرامی امیر المومنین ؑسے سنا کہ جو شخص محبت رسول اور تقرب خدا کیلئے شعبان میں روزہ رکھے تو خدائے تعالیٰ اسے اپنا تقرب عطا کریگا قیامت کے دن اس کو عزت و احترم ملے گا اور جنت اس کیلئے واجب ہو جائے گی ۔شیخ نے صفوان جمال سے روایت کی ہے کہ امام جعفر صادق ؑنے فرمایا: اپنے قریبی لوگوں کو ماہ شعبان میں روزہ رکھنے پر آمادہ کرو .

میں نے عرض کیا آپ پر قربان ہو جاوٴں اس میں کوئی فضیلت ہے ؟آپؑ نے فرمایا ہاں اور فرمایا رسول الله ﷺجب شعبان کا چاند دیکھتے تو آپ کے حکم سے ایک منادی یہ ندا کرتا :اے اہل مدینہ! میں رسول خدا ﷺکا نمائندہ ہوں اور ان کا فرمان ہے کہ شعبان میرا مہینہ ہے ۔ خدا کی رحمت ہو اس پر جو اس مہینے میں میری مدد کرے ۔ یعنی روزہ رکھے۔ صفوان کہتے ہیں امام جعفر صادق ؑکا ارشاد ہے کہ امیر المؤمنینؑ فرماتے تھے جب سے منادی رسول نے یہ ندا دی اسکے بعد شعبان کا روزہ مجھ سے قضا نہیں ہوا اور جب تک زندگی کا چراغ گل نہیں ہو جاتا یہ روزہ مجھ سے ترک نہیں ہوگا نیز فرمایا کہ شعبان اور رمضان دو مہینوں کے روزے توبہ اور بخشش کا موجب ہیں۔اسماعیل بن عبد الخالق سے روایت ہے کہ امام جعفر صادق ؑکی خدمت میں حاضر تھا، وہاں روزہٴ شعبان کا ذکر ہوا تو حضرت نے فرمایا ماہ شعبان کے روزے رکھنے کی بہت زیادہ فضیلت ہے.

حتی کہ نا حق خون بہانے والے کو بھی ان روزوں سے فائدہ پہنچ سکتا ہے اور بخشا جا سکتا ہے۔ماہ شعبان کی دوسری جمعرات کا خاص ترین وظیفہ آپ کیلئے لیکر آئے ہیں۔ اگر آپ یہ وظیفہ کریں تو اللہ تعالیٰ آپکی جھولیاں اپنی رحمتوں اور برکتوں سے بھر دیگا ۔ جمعرات کا دن بہت مبارک اور بابرکت دن ہوتا ہے اس دن کہا جاتا ہے کہ بند ہ جب کوئی دعا مانگتا ہے تو اللہ تعالیٰ خاص طور پر اپنے بندے پر نظر رحمت عطاء فرماتا ہے جمعرات کی رات بہت سے گ نا ا ہ و ں کو معاف کردیا جاتا ہے ۔ آج کا وظیفہ آپ نے اللہ تعالیٰ کے دو نام ایک ہی سانس میں پڑھنے میں آپ نے یا عزیزُ،یاستارُکو سانس روک 10مرتبہ پڑھنا ہے پھر سانس بحال کرکے پھر سے دونوں نام 10مرتبہ پڑھنا ہے

اسی طرح 100مرتبہ پڑھنا ہے ۔اول وآخرگیارہ مرتبہ درود پاک پڑھنا ہے ۔ وظیفہ مکمل ہونے کے بعد سورۃ یٰسین کی ایک مرتبہ تلاوت کرلینی ہے ۔انشاء اللہ آپ کے عمل کرنے سے آپ کی تمام حاجتیں پوری ہوجائیں گی ۔

اپنا کمنٹ کریں