آرٹیکلز پاکستان تازہ ترین

عمران خان کی جانب سے مردان جلسے میں شرکت کیلئے بھی سرکاری ہیلی کاپٹر استعمال کرنے کا انکشاف

اسلام آباد (آن لائن) چیئرمین پی ٹی آئی عمران خان نے مردان جلسے میں شرکت کے لیے خیبرپختونخوا حکومت کے ہیلی کاپٹر میں سفر کیا۔سابق وزیراعظم عمران خان اسلام آباد سے مردان کے پی حکومت کے ہیلی کاپٹر میں آئے۔ اس سے پہلے بھی کے پی حکومت کا ہیلی کاپٹر استعمال کرنے پرنیب کی تحقیقات جاری ہیں۔وزیراعلیٰ خیبرپختونخوا کے

معاون خصوصی بیرسٹر محمد علی سیف کاکہنا ہے کہ وزیراعلیٰ خیبرپختونخوا بھی عمران خان کے ہمراہ تھے، وزیراعلیٰ سرکاری دورے پر اسلام آبادگئے اور وہ واپسی پر عمران خان کو جلسہ گاہ لائے۔انہوں نے کہا کہ وزیراعلیٰ نے اپنے اختیارات کے تحت ہیلی کاپٹر استعمال کیا لہٰذا سرکاری وسائل استعمال کی الزام تراشی بے

بنیاد ہے۔دوسری جانب پاکستان تحریک انصاف کے چیئرمین عمران خان نے سیالکوٹ میں رہنمائوں کارکنان کی گرفتاریوں کے خلاف احتجاج کی ہدایت کرتے ہوئے کہاہے کہ ضمانت پر موجود اس مجرم ٹولے اور ان کے لندن میں بیٹھے سزا یافتہ مافیا سربراہ نے ہمیشہ اپنے مخالفین کے خلاف فاشسٹ حکمت عملی اپنائی۔

ٹوئٹر پر جاری بیان میں عمران خان نے کہا کہ ہماری حکومت نے کبھی ان لوگوں کے جلسوں، دھرنوں اور ریلیوں کو نہیں روکا کیونکہ ہم جمہوریت کے لیے پرعزم ہیں۔انہوں نے کہاکہ اپنے تمام لوگوں سے مطالبہ کرتا ہوں کہ اپنے شہروں اور علاقوں میں اس فاشست امپورٹڈ حکومت کے خلاف احتجاج کریں۔

چیئرمین پی ٹی آئی نے کہا کہ جب یہ لوگ اقتدار میں تھے تو انہوں نے سپریم کورٹ پر حملہ، ماڈل ٹاؤن میں قتل کیے اور ججوں کو رشوت دی، نواز شریف خود کو امیر المومنین قراردینے کی کوشش کررہے ہیں، انہوں نے اپوزیشن میں رہتے ہوئے جمہوریت کو استعمال اور پامال کیا جبکہ حکومت میں رہتے ہوئے تمام جمہوری اصولوں کو تباہ کیا مگر اب عوام ان کے خلاف اٹھ کھڑے ہوئے ہیں۔عمران خان نے کہا کہ امپورٹڈ حکومت نے

ہماری قیادت اورورکرز کے ساتھ جو کیا وہ خلاف توقع نہیں۔انہوں ںے کہاکہ ضمانت پر موجود اس مجرم ٹولے اور ان کے لندن میں بیٹھے سزا یافتہ مافیا سربراہ نے ہمیشہ اپنے مخالفین کے خلاف فاشسٹ حکمت عملی اپنائی۔

اپنا کمنٹ کریں