آرٹیکلز پاکستان تازہ ترین

عوام کیلئے بری خبر ، بجلی 3 روپے 15 پیسے فی یونٹ مزید مہنگی ہونے کا امکان

اسلام آباد(مانیٹرنگ ڈیسک)شہباز شریف حکومت میں بھی بجلی صارفین کے لیے بری خبر آ گئی۔تفصیلات کے مطابق ملک میں بجلی 3 روپے 15 پیسے فی یونٹ مہنگی ہونے کا امکان ہے، سی پی پی اے نے مارچ کی فیول ایڈجسٹمنٹ کی مد میں درخواست دائر کر دی۔نجی ٹی وی اے آروائی کے مطابق نیپرا اس درخواست پر 27 اپریل کو

سماعت کے بعد فیصلہ کرے گا۔سی پی پی اے نے درخواست میں کہا ہے کہ مارچ میں 10 ارب یونٹ سے زائد بجلی پیدا کی گئی، پانی سے 16.35 فیصد اور کوئلے سے 24.83 فیصد بجلی پیدا کی گئی۔سی پی پی اے کے مطابق مارچ میں مہنگے فرنس آئل سے 10.62 فی صد بجلی پیدا کی گئی، مقامی گیس سے 9.53، درآمدی ایل این جی سے 18.87 فی صد بجلی پیدا کی گئی، اور جوہری ایندھن سے 15.01 فی صد بجلی پیدا کی گئی۔

اپنا کمنٹ کریں